Partneriaethau Ymchwil a Datblygu

Manteision i gwmnïau sy’n cymryd rhan
Sut y mae’n gweithio?
Hawliau eiddo deallusol
Enghreifftiau o bartneriaethau ymchwil a datblygu yn y gorffennol

Gall yr Adran Gyfrifiadureg, trwy ITWales, gynnig cymorth am ddim i gwmnefau gyflawni prosiectau ymchwil a datblygu.

Caiff prosiectau o’r fath eu seilio ar syniadau a gynigir gan fusnesau, a chânt eu datblygu gan fyfyrwyr sydd ym mlwyddyn olaf eu cwrs gradd neu sy’n dilyn cwrs Gradd Meistr mewn Cyfrifiadureg.

Mae prosiectau ymchwil a datblygu diwydiannol a drefnwyd gan ITWales wedi ennill gwobrau Awdurdod Datblygu Cymru ym maes technoleg bob blwyddyn ers 1994.

Nod y prosiectau yw rhoi cyfle i fyfyrwyr ymchwilio’n fanwl i bwnc penodol, cynllunio system gyfan a’i rhoi ar waith, a chael profiad o gylch bywyd prosiect sy’n ymwneud â meddalwedd.

Gall prosiectau o’r fath gynnwys llawer neu bob un o’r elfennau canlynol:

Llunio manylebau
Llunio prototeipiau
Cynnal ymarferion gwerthuso
Cynhyrchu meddalwedd
Cynnal astudiaethau dichonolrwydd ag elfennau ymarferol
Arddangos syniadau.

Manteision i gwmnefau sy’n cymryd rhan

Cynigir gwasanaeth ymgynghori i gynllunio’r prosiect.

Cynigir mynediad am ddim i’r offer diweddaraf.

Caiff prototeipiau eu datblygu am ddim gan fyfyrwyr y prosiect.

Gallai’r prosiectau gynnwys tasgau y byddai’n afrealistig neu’n anymarferol eu cyflawni fel arall ag adnoddau’r cwmni.

Mae llawer o brosiectau llwyddiannus yn brosiectau ymchwilio, a byddent o’r herwydd yn brosiectau risg uchel ar gyfer y busnes o ran buddsoddi adnoddau.

Cynigir sgiliau technolegol lefel uchel heb unrhyw gost ychwanegol, na fyddent ar gael fel arall efallai.

Ceir cyfle i asesu darpar weithiwr posibl sydd wedi graddio, yn yr amgylchedd gweithio am gost gyfyngedig.

Ceir cyfle i wella cysylltiadau a chyfnewid gwybodaeth a syniadau âr Brifysgol.

Yn aml, mae prosiectau’n elfen werthfawr o ddatblygiad strategol cwmni.

Sut y mae’n gweithio?

Mae’r cwmni’n cysylltu ag ITWales i sf4n am syniad cychwynnol. Cofrestrwch eich diddordeb yma

Mae ITWales yn trefnu cyfarfod â’r cwmni ac academyddion o’r Adran Gyfrifiadureg. Bydd y syniad yn cael ei archwilio’n llawn yn ystod y cyfarfod.

Caiff manyleb prosiect ei datblygu wedyn yn ystod y cyfnod ymgynghori hwn.

Mae’r fanyleb yn rhestru’r nodau a’r amcanion, y strwythur a’r amserlen, a’r adnoddau sydd eu hangen o ran caledwedd a meddalwedd. Mae cyllid ar gael ar gyfer unrhyw galedwedd a/neu feddalwedd sydd ei angen.

Mae ITWales ar y cyd â’r Adran Gyfrifiadureg yn rhoi’r prosiect i fyfyriwr sydd â’r sgiliau technegol perthnasol.

Mae aelod o staff academaidd sy’n arbenigo yn y maes dan sylw’n goruchwylio’r prosiect ac yn cyfarfod â’r myfyriwr yn wythnosol.

Yn ogystal, bydd prosiect ymchwil a datblygu fel rheol yn golygu cynnal cyfarfodydd o bryd i’w gilydd rhwng y cwmni, y goruchwylydd yn y Brifysgol a’r myfyriwr.

Hawliau eiddo deallusol

Mae’r canllawiau cyffredinol ynghylch perchnogaeth ar eiddo deallusol fel a ganlyn:

Os caiff y prosiect ei gynnig gan gwmni, yna’r cwmni fydd yn berchen ar yr eiddo deallusol sy’n deillio o’r ymchwil.

Os caiff y prosiect ei gynnig gan y Brifysgol, y goruchwylydd neu’r ymgeisydd, y Brifysgol fydd yn cadw’r hawliau eiddo deallusol.

Gall ITWales drefnu Partneriaethau Trosglwyddo Gwybodaeth hefyd. I gael mwy o wybodaeth am hynny, cysylltwch â Beti Williams drwy ffonio 01792 295881.